قصة خيالـــــــــــــــــــــــيــــهــ

فـي يـوم مـن الأيـام عالكـورنيش أتمـشّـى .. فـي الـعـاصـمـة بـوظـبـي في وقت عصريّه

لاحظـت مـن بـعـد مزيـونـه عـلـى كيـفـك .. مـتـنقّـبــه تــســحــر بـعـيــن(ن) ذبــوحـيّــه

تـبـعـتـها أمـشى وراهـا ويــن مـا تـمـشـى .. الــروح تــمــشـي وراهــا غـصـب جـبـريّه

نـاديـتـها وقـلـت نـظـره صـوبـيـه نـظــره .. يـــا بـــنــت بـالله عـليـّه شــويّــه شــــويّــــه

اتـبـسّـمـت لـي وقـلـت الـــحــظ وافـقــنـي .. بـعــطـيـــهـا رقــمــي عـسـاهــا تـتّصل فـيّه

هـمـسـت انـا بـالـرقـم لــهــا وســمــعـتـني .. وشـفـتـهــا سـجّـلـــت رقـمــي عـلـى نـيّـــه

سـجـلـتـه معـها نـعـم وراحــت وخـلّـتــنـي .. حـايــر بـفــكــري مــع أحــلام وهـــمــيّــه

شـوي والا سـمـعـت بـهـاتـفـي مـسد كـول .. قــلــت بـخــيـالـي أكـيــد الـبـنـت ذي هـيّـه

ردّيـت وانّــه عـلــى الـهــاتــف يــكـلّـمـنـي .. هـنــدي مـغـلّـط يـبــي لــه رقــم هــنــديــّه

لعنـتـه وقـلـت وش يـابـك لـيـه ذا الــحــيــن .. ذا الـحـيـن مــا هــو بــوقــتــك عـلّك بـليّّـه

ســكّـرت عـنــه ولان بـــهـاتــف غـــيـــره .. مـسـد كــول مــره وقــلــت أكــيــد الـبــنـيّه

ردّيـت وان الصـوت نـااعــم يــرد الــروح .. قـالـت ( خـبــيـبــي ركـم يـأتــي مـن شويّه )

لـعـنـت حـظّــي وقـلــت شـلــون هـالـحالـه .. أعــوذ بــالله ثـــرهــا الــبــنــت روســيّــــه

سـكّـرت عـنها وقمـت أضحـك على نفـسي .. وش اللي حصل لي وش اللي صار هو فيّه

ثـم سـرت عـانـي جـدا المـاريـنا لـي حـاجه .. ولان وحــدة حــســـيـــنــة عــــود وبــيّــه

عـيونها خضـر وشعـرها أشقر ومقصوص .. تـحـتــار فـيـهــا صـبـي والا تــرى بــنـيّـه

متـلبـّسه جــيـنــز ومـعـهـا كــلــب تـقــــوده .. ومــن شـفـتـهـا قـلـت أكـيـد الـبـنـت غربيّه

قـرّبـت مـنــهـا وغــمــزت بـعـيـنـي وقـالـت .. ( تـحـشّـم تـحـشّـم تــرانــي بـنـت بـدويّـه )

قـلـت بـصـراحــة الـبـداوة مــنــج اتـبـــرّت .. مــدام هـــذا لــبــاســـج مـــالــــج هــنـيّــه

مـقـعـد مـعـانـا ولا لـج أي حـشـمــة مـــول .. قـالــت اسـمــعــنـي تــرى أنــا مــزاجـيّــه

الـبـس بـكـيـفي وكل شي بخاطـري سـوّيت .. قـلــت الـعـتـب عـالـوالـديــن بـقــلّ تـربـيّـه

رويـــت واقـــع مـعـاصــر بـيـنـنـا عـايـش .. لــكــنــهــا قـصّـتــي قـــصـــه خـــيــالـيّــه